Utilisaziun e transmissiun da datas che sa refereschan a persunas
Ils chantuns s’obligheschan da proteger Vossa sfera privata, da duvrar las infurmaziuns che sa refereschan a Vossa persuna be entaifer la societad e da dar vinavant ellas be ad interpresas che vegnan involvidas tar l’adempliment dals contracts ch’èn vegnids stipulads cun Vus u tar la furniziun da las prestaziuns. En ils auters cas na vegnan las indicaziuns che sa refereschan a Vossa persuna betg transmessas a terzs sche Vus n’avais betg dà Voss consentiment explicit u sche nus n’essan betg obligads da dar ora las datas, p.ex pervi dad in’ordinaziun giudiziala u d’ina autoritad.
Contact
Cura che l’utilisader contactescha nus (cun il formular da contact u via e-mail) vegnan sias indicaziuns memorisadas per elavurar la dumonda e per il cas ch’i dess dumondas consecutivas. Suenter che Vossa dumonda è liquidada, vegnan las datas registradas stizzadas.
Utilisaziun da cookies
Nus duvrain cookies sin nossa pagina-web. Cookies èn pitschnas datotecas da text ch’il web server arcuna en plirs lieus en il browser da Voss computer. Tras quellas pudais Vus vegnir identifitgads cura che Vus visitais puspè ina giada la pagina-web. Noss cookies na chaschunan nagins donns sin Voss computer e na cuntegnan nagins virus. Durant il diever da nossa purschida d’internet arcunain nus surtut uschenumnads «session cookies» sin il disc dir da Voss computer. Quels èn be impurtants per Vossa visita sin nossa pagina-web. Quests cookies servan be per la gestiun da la colliaziun e navigaziun e As permettan da navigar patgific tras nossa purschida d’internet. Els «tegnan endament» p.ex. tscherts parameters durant la sesida ed uschia na ston quels betg pli vegnir endatads puspè. Ils «session cookies» vegnan puspè stizzads cura che Vus terminais Vossa sesida en il browser. Ultra da quai utilisain nus era cookies persistents. Quels ans permettan da renconuscher puspè Voss browser tar la proxima visita. En Voss browser As vegn proponida l’opziun dad in avis d’avertiment cura ch’in web server vuless plazzar in cookie sin Voss computer. Vus pudais acceptar u refusar cookies. La gronda part dals browsers èn configurads uschia ch’els acceptan automaticamain cookies. Vus pudais però deactivar la funcziun che arcuna cookies u configurar Voss browser uschia ch’el As infurmescha cura che cookies vegnan tramess. Sche Vus bandunais questa pagina-web, pudais Vus stizzar pli tard ils cookies sin il disc dir da Voss computer, p.ex. sche quels n’han betg pudì vegnir stizzads automaticamain pervi d’in disturbi tar la colliaziun d’internet.
Vus pudais natiralmain visitar nossa pagina-web era senza cookies. Sche Vus na vulais betg che nus renconuschain Voss computer, pudais Vus impedir che cookies vegnian arcunads sin Voss disc dir cun tscherner «betg acceptar cookies» en ils parameters da Voss browser. Co che quai funcziuna en detagl, pudais Vus leger en las instrucziuns dal producider da Voss browser. Sche Vus n’acceptais betg ils cookies, po quai avair sco consequenza funcziuns restrenschidas da nossas purschidas.
Siteimprove Analytics
Questa pagina-web dovra Siteimprove Analytics, in servetsch d’analisa-web, che Siteimprove metta a disposiziun. Siteimprove Analytics utilisescha cookies che vegnan arcunads sin Voss computer u sin Voss smartphone per pudair analisar co che Vus duvrais la pagina-web. Siteimprove arcuna ed elavura las infurmaziuns ch’ils cookies genereschan davart l’utilisaziun da la pagina-web tras ils visitaders sin servers en il Danemarc.
Las adressas IP vegnan cumplettamain anonimisadas avant ch’ils gestiunaris pon consultar sur Siteimprove Suite las datas registradas. I n’è betg pussaivel da volver l’anonimisaziun da las adressas IP e d’attribuir quellas a las datas registradas.
Ils gestiunaris da questa pagina-web vegnan a duvrar questas infurmaziuns per analisar il cumportament da las visitadras e visitaders da la pagina-web, per elavurar in rapport davart quai e per optimar l’experientscha dals utilisaders sin la pagina-web. Siteimprove na transmetta betg questas infurmaziuns a terzs e na dovra betg ellas per intents da marketing u da reclama da tut gener.
Ils cookies da Siteimprove pon vegnir deactivads cun deactivar il quaderin per ils cookies da prestaziun en il configuratur da cookies.
Infurmaziuns e dumondas
Datas che sa refereschan a persunas vegnan arcunadas be uschè ditg che las dumondas vegnan elavuradas. Vus pudais da tut temp pretender infurmaziuns gratuitas ed immediatas davart las datas arcunadas che sa refereschan a Vossa persuna. Nus ans resalvain il dretg da dar questas infurmaziuns sin via electronica. Tar dumondas davart nossa protecziun da datas pudais Vus s’annunziar tar nus (las indicaziuns da contact chattais Vus en l’impressum).