Ils chantuns infurmeschan davart incidents ch’èn capitads durant la votaziun electronica. Qua sutvart vegnan enumerads ils incidents tar mintga scrutini.
Las indicaziuns vegnan actualisadas regularmain.
Tar dumondas As supplitgain nus da duvrar il formular da contact.
Pervia d'in problem tecnic en il chantun Basilea-Citad èsi uschia, che las vuschs electronicas da las Svizras e dals Svizzers a l'exteriur sco er da las votantas e dals votants cun impediments annunziads en il chantun, na pon probablamain betg vegnir dumbradas per la votaziun da questa fin d'emna. Tgi che ha la pussaivladad da metter la cuverta da votar en la chascha da brevs en la curt da la chasa communala u da votar en in local electoral, duai far quai.
Guardar communicaziun a las medias(colliaziun externa, s’avra en ina nova scheda) (en tudestg)
La dumengia da votaziun dals 8 da mars 2026 n'èsi betg stà pussaivel da dumbrar las vuschs ch'èn vegnidas inoltradas da las Svizras e dals Svizzers a l'exteriur sco er da las votantas e dals votants cun impediments. In'analisa externa da las circumstanzas e dals motivs da l'incident è vegnida iniziada. Il project da pilot per e-voting en il chantun Basilea-Citad vegn interrut fin la fin dal 2026.
Guardar communicaziun a las medias (en tudestg)
L'impronta digitala (SHA-256) dal certificat da https://sg.evoting.ch, ch'è stampada sin ils attests da votar, na correspunda per sbagl betg a l'impronta digitala dal portal dad e-voting.
L'impronta digitala correcta è:
4c80b8ec26d05ea7
5d78c5726bf4ebc8
f135ed2631aef136
dfadb990e35c1aba
Il motiv è vegnì identifitgà ed ina cyberattatga po vegnir exclusa. Per evitar il sbagl en l'avegnir vegnan definidas mesiras organisatoricas.
Las persunas cun dretg da votar vegnan supplitgadas da far la cumparegliaziun cun l'impronta correcta (guardar Instrucziun).
Avertura retardada da l'urna
Il disturbi è vegnì schlià subit. In’attatga po vegnir sclausa.
Sche las persunas cun dretg da votar han activà la funcziun da translaziun automatica en lur browser, po quai avair per consequenza ch'ils cuntegns dal portal dad e-voting vegnan translatads e ch'els divergeschan dal text uffizial. Quai n'è betg giavischà. Per impedir quest cas er per las persunas cun dretg da votar che han activà la funcziun da translaziun, è il portal dad e-voting vegnì adattà, uschia ch'el na generescha naginas translaziuns automaticas.
Il problem è vegnì eliminà. Tuttina vegni recumandà da deactivar la funcziun da translaziun automatica en il browser.
I po esser, ch'i dat sporadicamain problems cun cumenzar la votaziun cun Safari e cun il sistem operativ MacOS. Nus cussegliain da duvrar in auter navigatur per la votaziun cun MacOS.
Il problem è vegnì eliminà.
Avertura retardada da l'urna
Il disturbi è vegnì schlià subit. In’attatga po vegnir sclausa.
I po capitar ch'il messadi d'errur «data da naschientscha fallada» cumpara, cura che Vus cumenzais cun il process da votar u transmettais ils codes da conferma. Quai po avair da far cun il temp dal sistem che n'è betg sincronisà.
En quest cas vegn recumandà urgentamain da sincronisar il temp dal sistem.
La raschun è eruida. Il messadi d'errur è vegnida curregida cun la proxima versiun dal sistem.
Il portal per la votaziun electronica a Rapperswil-Jona n'è il mument betg disponibel.
Il disturbi è vegnì eliminà immediat suenter che nus avain remartgà el. Vuschs gia inoltradas n'èn betg pertutgadas dal disturbi e restan valaivlas. Naginas vuschs n'èn idas a perder.
In’attatga po vegnir sclausa.
Portal dad e-voting temporarmain betg disponibel.
Il disturbi è vegnì schlià subit. Las vuschs ch’eran gia vegnidas inoltradas n’eran betg pertutgadas dal disturbi e restan valaivlas. Naginas vuschs n’èn idas a perder.
In’attatga po vegnir sclausa.