E-voting en Svizra: Infurmaziuns interessantas davart la votaziun electronica

 

Ils quatter chantuns Basilea-Citad, Grischun, Son Gagl e Turgovia pussibiliteschan a tschertas persunas cun dretg da votar da duvrar il chanal electronic sco purschida supplementara sper la votaziun per correspundenza e la votaziun persunala a l’urna. Uschia pon oz per exempel, tut tenor las directivas chantunalas Svizras e Svizzers a l’exteriur, persunas cun impediments u persunas cun dretg da votar da tschertas vischnancas da pilot dar giu lur vusch sin via electronica.

Sin questa pagina-web chattais Vus tut las infurmaziuns impurtantas davart l’e-voting, cuntegns interactivs davart la procedura e las respostas a Vossas dumondas.

 

Video explicativ davart il process dad e-voting

Pass per passIllustraziun dad in um cuntent che guarda sin ina collascha cun in smartphone, in tablet ed in computer.

Pass per pass

Nus As explitgain co che la votaziun electronica funcziuna, tge instruments che Vus pudais duvrar e co che Vus stuais utilisar ils codes en Voss documents.

Davart la procedura
Test Plattafurma da testIllustraziun dad ina dunna concentrada che sesa vi dad ina maisa da biro tranter ina planta en in vasch ed ina lampa da maisa e che guarda sin in monitur.

Testar l’e-voting sin la plattafurma da test

Sin la plattafurma da test da la Posta svizra avais Vus la pussaivladad da testar ina giada l’e-voting. Qua pudais Vus participar ad ina votaziun u elecziun fictiva e testar il sistem. Da l’endataziun da Voss code d’inizialisaziun enfin tar la controlla sche la vusch è arrivada en l’urna electronica.

Testar l’e-voting

Segirezza

SegirezzaIllustraziun dad in um concentrà che sesa sper ses chaun davant il computer. Sin il fund vesan ins in’impronta dal det surdimensiunada, in marschlos ed ina clav en ina nivletta.

Intgins tips per dapli segirezza

La segirezza ha tar l’e-voting la prioritad absoluta. D’ina vart vai per transmetter a moda segira las datas e da l’autra vart per respectar il secret da votaziun. Ma era las persunas cun dretg da votar sezzas pon contribuir lur part.

Dapli infurmaziuns

Bun da savair

Bun da savairIllustraziun dad ina dunna blonda e dad in um da pel stgira che sa guardan in l’auter. Sur lur chaus èn segns da dumonda grischs e segns d’exclamaziun cotschens.

Dumondas e respostas (FAQ)

Avais Vus dumondas davart l’e-voting? Qua avain nus rimnà per Vus las respostas las pli impurtantas.

Ir tar las respostas

Novitads

  • Publitgà: 22.11.23

    Il chantun Grischun cumenza cun il manaschi d'emprova dad e-voting

    En sia sesida dals 22 da november 2023 ha il Cussegl federal concedì al chantun Grischun la permissiun da basa per reprender las emprovas cun e-voting. A partir da l'onn 2024 pon las persunas cun dretg da votar da sis vischnancas da pilot dal Grischun dar giu lur vusch sin via electronica. Pli tard – probablamain l'onn 2025 – duain pudair sa participar er autras vischnancas grischunas interessadas.

    Dapli infurmaziuns

  • Publitgà: 03.03.23

    Ils chantuns Basilea-Citad, Son Gagl e Turgovia reprendan puspè il manaschi d’emprova cun e-voting

    A sia sesida dals 3 da mars 2023 ha il Cussegl federal concedì la permissiun fundamentala per far puspè emprovas cun e-voting. A partir da las votaziuns dals 18 da zercladur 2023 pon Svizras e Svizzers en tut ils trais chantuns, persunas cun impediments en il chantun Basilea-Citad sco era persunas cun dretg da votar annunziadas da tschintg vischnancas da pilot en il chantun da Son Gagl puspè dar giu lur vusch sin via electronica. Suenter duain era autras vischnancas interessadas dal chantun da Son Gagl pudair prender part.

    Dapli infurmaziuns